Білім қоры

Егер қазіргі заманғы онкологиялық қолдау жүйесін түсінгіңіз келсе, «Zhanaru» білім қорын оқыңыз.

Адам өз денесінде не болып жатқанын және өзіне қалай көмектесе алатынын түсінгенде, шешім қабылдау және жағдайды бақылауда ұстау жеңілдей түседі.

Диагноз қойылғаннан кейінгі мол ақпаратты түсінудің қаншалықты қиын болуы мүмкін екенін білеміз. Сондықтан біз ең маңызды сұрақтарға қарапайым әрі түсінікті тілмен жауап беретін материалдарды жинақтадық.

Біздің Білім қорымыздан ғылыми деректер мен халықаралық тәжірибеге негізделген, емделу және қалпына келу кезеңіндегі қолдаудың заманауи тәсілдері туралы мақалаларды таба аласыз. Біз сіздің әрқашан сенімді ақпарат көзіне қол жеткізе алуыңызды қалаймыз.

Неліктен онкологиялық оңалту диагноз қойылған сәттен басталады?

Бүгінгі таңда онкологиялық аурулар кезіндегі оңалту пациентке көрсетілетін үздіксіз қолдау процесі ретінде қарастырылады: ол диагноз қойылған сәттен бастап, емдеу кезеңін және одан кейінгі уақытты қамтиды. Бұл тәсіл «преабилитация» деп аталады және көптеген халықаралық кәсіби қауымдастықтардың нұсқаулықтарына енгізіліп те қойған.

Зерттеулер көрсеткендей, физикалық белсенділікті ерте бастау, психологиялық қолдау көрсету, тамақтану рационын реттеу және пациенттерді қажетті ақпаратпен қамтамасыз ету емнің жақсы қабылдануына, асқыну қаупінің азаюына, тезірек сауығуға және өмір сапасының жақсаруына ықпал етеді.
Зерттеулер растағандай

✔ физикалық функцияның жақсаруы;
✔ операциядан кейінгі асқынулардың жиілігін азайту;
✔ мазасыздықтың азаюы;
✔ операциядан кейін тезірек қалпына келу;
✔ өмір сапасының жақсаруы.
Бастапқы дереккөздер

ASCO (American Society of Clinical Oncology)
ESMO Clinical Practice Guidelines
Macmillan Cancer Support. Principles of Prehabilitation
Silver JK et al. Cancer Prehabilitation and its Role in Improving Health Outcomes. CA: A Cancer Journal for Clinicians.