Ем аяқталғаннан кейін өмір жалғасады.
Бірақ қолдау әлдеқайда ертерек қажет.
Біреуі химиотерапияның кезекті курсынан кейін үйіне оралды.
Біреуі емін аяқтағанымен, күш-қуатын қалай қалпына келтіруді, қорқынышты қалай жеңуді және өмірдің қалыпты ырғағына қалай қайта оралуды әлі білмейді.
Осындай сәттерде адамға ең алдымен өзін жалғыз сезінбеу маңызды.
Zhanaru дәл осы жолдың әр кезеңінде жанынан табылып, қолдау көрсету үшін құрылған.
Күн сайын біреу өзінің диагнозын естиді.
Біреу емін енді ғана бастап жатыр.
Біздің миссиямыз
Онкологиялық сырқатқа шалдыққан жандарды қолдау және қайта қалпына келтіру
Біз онкологиялық ауруды емдеу ең соңғы дәрімен, отамен немесе сәулелік терапия курсымен ғана аяқталмайтынына сенеміз.
Емдеуден кейін одан да маңызды кезең — адамның қалыпты өмірге қайта оралуы басталады.
«Zhanaru» жобасы дәл осы мақсатта дүниеге келген еді.
Қазақ тіліндегі «Жаңару» сөзі өмірдің қайта түлеуін, жаңа сипатқа ие болуын білдіреді. Бұл біздің жобаның басты идеясын айқындайды: адамға тек емнен өтуге ғана емес, сонымен бірге тән саулығын, жан жылуын, өзіне деген сенімділігі мен өмір сапасын қайта қалпына келтіруге көмектесу.
Біз әрбір жан өзіне қажетті қолдау мен білімді, кәсіби көмекті сезіне алатын ерекше кеңістік қалыптастырудамыз. Бұл жерде ол өзін тек сырқатпен күресуші ғана емес, алдына үлкен мақсаттар қоя білетін, армандары мен болашағы бар толыққанды тұлға ретінде сезіне алады.
Біздің құндылықтарымыз
Ең бастысы — Адам
Әрбір диагноздың артында адам тұр — оның тағдыры мен тарихы, отбасы, ішкі толғаныстары мен үміттері. Біз муны ешқашан ұмытпаймыз.
Ар-намыс және құрмет
Әрбір жан аурудың деңгейіне, жасына немесе өмірлік жағдайларына қарамастан, өзіне деген ерекше ізгі, жылы әрі лайықты қарым-қатынасқа құқылы.
Кәсібилік
Біз өз жұмысымызда заманауи білімге, дәлелді медицина қағидаларына және әртүрлі бағыттағы білікті мамандармен тығыз серіктестікке сүйенеміз.
Сынсыз қолдау
Біз әркім қорқынышсыз сұрақ қоя алатын, өз үрейімен бөлісіп, көмек сұрай алатын және оны шынайы ала алатын қауіпсіз әрі жайлы орта қалыптастырамыз.
Әрекет арқылы оянған үміт
Біз бос уәде бермейміз. Біз адамдарға қайта қалпына келуге және алға қарай қадам басуға көмектесетін нақты өмірлік құралдарды табуға жәрдемдесеміз.
Бұл неліктен маңызды?
Онкологиялық ауру адамның өмірін өзгертетіні анық. Бірақ ол сол өмірдің толық мазмұнын айқындамауы тиіс.
Біз диагноздан кейін де өмірдің бар екеніне кәміл сенеміз. Ол — белсенді, мәнді әрі мағыналы өмір.
Және әрбір жан осы қайта түлеу жолында жалғыз қалмауға, қолдау табуға лайықты.
Дәл осы себепті де «Zhanaru» жобасы бар.
Zhanaru-дың қолдау жүйесі қалай жұмыс істейді?
Біз жай ғана бөлек-бөлек сабақтар ұсынбаймыз. Біз адамның емделу мен қайта қалпына келу жолынан үлкен сеніммен өтуіне, өмір сапасын сақтап, өзінің жалғыз еместігін сезінуіне көмектесетін біртұтас қолдау жүйесін құрамыз.
Жобамыздың әрбір бағыты бірін-бірі толықтырып отырады. Өйткені қайта түлеу — бұл тек тән саулығы ғана емес, сонымен бірге жан жылуы, ішкі қуат және өмірдің әрбір сәтінен қайтадан ләззат ала білу қабілеті.
  • Денеге күш-қуат пен байланысты қайтару
    Емделу кезінде ағзаға өте үлкен салмақ түседі. Жұмсақ йога, денемен жұмыс және тыныс алу тәжірибелері шаршауды басуға, дененің қозғалыс икемділігін арттыруға, күйзеліс деңгейін төмендетуге және өз денеңізді қайтадан сезініп, басқара алуыңызға біртіндеп көмектеседі.
    Оқу
  • Ішкі жан дүниенің тепе-теңдігін қайта табуға көмектесеміз
    Диагноз үйреншікті өмір ағымын өзгертіп, ішкі мазасыздықты арттыратыны жасырын емес. Психологиялық қолдау, арт-терапия, тыныс алу тәжірибелері мен шығармашылық сабақтар сезімдерді сыртқа қауіпсіз шығаруға, үрей мен мазасыздықты сейілтуге, ішкі қуат көздерін табуға және өз ойларыңыз бен сезімдеріңізді еш қысылмай, еркін жеткізуге көмектеседі.
    Оқу
  • Қарым-қатынас қуанышы мен өзіне деген сенімділікті қайтару
    Театр шеберханасы — бұл актерлік өнерді үйрену емес. Бұл — адамның өз болмысын қайта табуына, өз үнін ашып, сенімділікке ие болуына, сондай-ақ өз жолын терең түсінетін жандармен танысып, өмірдің алға қарай жалғасып жатқанын көруіне мүмкіндік беретін ерекше кеңістік.
    Оқу
"Zhanaru"
Жобаның пилоттық кезеңі онкологиялық сырқатқа шалдыққан жандар үшін кешенді қолдаудың қаншалықты маңызды әрі қажет екенін дәлелдеді. Біз медициналық емдеумен қатар, пациенттерге психологиялық көмек, қауіпсіз физикалық белсенділік, шығармашылық тәжірибелер, өзара араласу және шынайы әрі сенімді ақпарат ауадай қажет екенін көрдік.
Осы тәжірибеге сүйене отырып, біз жобаның мүмкіндіктерін кеңейту және әртүрлі бағыттағы білікті мамандарды тарту мақсатында Ұлттық медициналық қауымдастықпен бірлесе отырып, «Zhanaru» жобасын жаңа форматта дамыту туралы шешім қабылдадық.
Біздің басты мақсатымыз өзгеріссіз қалады — ол әрбір жан үшін сапалы қолдаудың қолжетімді болуын қамтамасыз ету. Содықтан жобаның барлық бағдарламаларына қатысу толықтай тегін жүзеге асырылады.
Контакты
Телефон: +7 (777) 659-20-00
Электронная почта: saule.k.omarova@gmail.com
Адрес: город Астана
Made on
Tilda